陳美齡被老公鬧醒堅強抗癌 | 美體產業公開資訊

2016年10月18日—她指抽組織化驗後，是老公金子力接到醫生電話指她患上乳癌，當時老公面色一黑，她亦忍不住痛哭，老公見狀即罵她：「個個都有命運，喊乜！」 ...

陳美齡因患乳癌改變人生觀。

陳美齡昨日出席香港乳癌基金會活動，以過來人身份分享於九年前發現患乳癌的經歷：「係我自己摸到右邊胸，有粒似紅豆咁細嘅嘢。」她指抽組織化驗後，是老公金子力接到醫生電話指她患上乳癌，當時老公面色一黑，她亦忍不住痛哭，老公見狀即罵她：「個個都有命運，喊乜！」事後她理解老公當時太心慌才有此反應，但也是很好的「激將法」讓她堅強。

問到當時是否終日以淚洗面？陳美齡說：「我當時好忙，安排咗百幾個演唱會，冇機會休息。手術後十日已經工作，因為我之前推咗幾個工作已經好大件事，而且醫生話可以做咪做。」她指繼續工作對心情有幫助，因終日留在家中會胡思亂想，工作反而能注入活力。陳美齡現在更注重健康飲食及做運動，每半年亦會定期檢查一次。

育有三子的陳美齡談到接受治療期間，二仔因在美國應付升讀大學考試，故她阻止二仔回港陪伴她，結果兒子於考試中交白卷。她非常後悔沒讓囝囝回來，令他一個人在外地擔憂：「當時應該成日打電話或者e-mail畀佢，不過我嗰時都好亂，怕睇唔到啲仔大。」她透露如今三名囝囝已分別29、26及20歲，非常感恩，並笑言：「我行街睇到佢哋嘅背影，真係會想喊。」她坦言此病令其人生觀有所改變，會好好珍惜與朋友相處的每一天。

文：名人組

上一則

下一則