公視台語台開臺語演員訓練班培養人才 | 美體產業公開資訊

2019年11月8日—遮个來參加台語演員訓練班的人，大部份攏是戲劇出身，搬戲對in來講無困難，不過欲用台語演有正正台灣味的戲劇，就毋是遐爾簡單的代誌矣。公視台語台特別 ...

發布時間：2019-11-08 15:24 更新時間：2019-11-08 16:01

==== 用台語比手畫刀，學員逐个都有夠khiàng，一下仔就共答案臆出來矣。遮个來參加台語演員訓練班的人，大部份攏是戲劇出身，搬戲對in來講無困難，不過欲用台語演有正正台灣味的戲劇，就毋是遐爾簡單的代誌矣。公視台語台特別邀請國內真出名的台語劇團「阮劇團」開課，培養台語戲劇表演人才。

==阮劇團團長 汪兆謙== 我們看台語劇 覺得戲很好看 但有時候可能演員 對台語不是那麼了解 一些咬字不是那麼清楚 我希望透過這個課程 把這個部分加強

==公視台語台台長 呂東熹== 希望藉由這次台語台的機會 可以讓更多人才投入 這是我們最大的期望

捌對電視歌唱節目出來，也捌演過電影「陣頭」的林雨宣，和公視台語台台語囡仔節目「旺來西瓜仙拚仙」主持人葉欣眉，也對160个報名參加的選手內底，予人揀出來，同齊學台語。

==「旺來西瓜仙拚仙」主持人 葉欣眉== 平常時的書 或是電視 要學到台語的機會 實在太少了 所以我知道有這個課 台語課在開的時候 我就趕緊來報名

除了注重台語正音和咬字的訓練，課程也邀請影帝陳竹昇和「俗女養成記」導演嚴藝文擔任講師，向望予遮的演員對台語的聲情和文化有閣較深的體會，繼續佇舞台頂予台語文化開枝散葉。

記者 洪敏真 張育睿 台北報導